main wo majnun ki ek sahra hai mujh mein

maiñ vo majnūñ ki ik sahrā hai mujh meñ

vo sahrā bhī bahut simTā hai mujh meñ

mujhe ḳhud se nikālegā vo āḳhir

ba-nām-e-ishq jo aayā hai mujh meñ

tumhārī yaad ko kaise nikālūñ

ki baaqī kuchh nahīñ bachtā hai mujh meñ

kisī ke barf se lahje ke hāthoñ

ajab sho.ala sā ik bhaḌkā hai mujh meñ

koī tāvīz kā paanī pilā do

koī jādūgarī kartā hai mujh meñ

kamīnī ko ḳhabar is kī nahīñ hai

ki sar se paañv tak dhokā hai mujh meñ

tumhāre ba.ad ye dekhā nahīñ hai

na-jāne kaun ab rahtā hai mujh meñ

tumheñ merī zarūrat bhī paḌegī

purāne shahr kā naqsha hai mujh meñ

tumhārī samt hijrat kar chukā hai

kahāñ 'is.hāq' ab rahtā hai mujh meñ

main wo majnun ki ek sahra hai mujh mein

wo sahra bhi bahut simTa hai mujh mein

mujhe KHud se nikalega wo aaKHir

ba-nam-e-ishq jo aaya hai mujh mein

tumhaari yaad ko kaise nikalun

ki baqi kuchh nahin bachta hai mujh mein

kisi ke barf se lahje ke hathon

ajab shoala sa ek bhaDka hai mujh mein

koi tawiz ka pani pila do

koi jadugari karta hai mujh mein

kamini ko KHabar is ki nahin hai

ki sar se panw tak dhoka hai mujh mein

tumhaare baad ye dekha nahin hai

na-jaane kaun ab rahta hai mujh mein

tumhein meri zarurat bhi paDegi

purane shahr ka naqsha hai mujh mein

tumhaari samt hijrat kar chuka hai

kahan 'ishaq' ab rahta hai mujh mein