main yan baiTha to tum wan uTh gae ai yar kya bais

maiñ yaañ baiThā to tum vaañ uTh ga.e ai yaar kyā baa.is

hue be-dil hī apne aap kyuuñ bezār kyā baa.is

ināyat kī nahīñ aglī se ab āsār kyā baa.is

kiye haiñ band tum ne raḳhna-e-dīvār kyā baa.is

kahā maiñ ne mire ghar bhī kabhū aaoge ye bole

maiñ kyuuñ aa.uuñ mujhe kyā vāsta kyā kaar kyā baa.is

niDar lā-taqnatū paḌh kar gunāhoñ se thā maiñ apne

ye vaa.iz kyuuñ Darāte haiñ mujhe ġhaffār kyā baa.is

tumhārī ḳhātir-vātir meñ ai gul-rū ye kyā aayā so

mujhe kyuuñ dekh kar hañste ho tum har baar kyā baa.is

faqat ik diid ko nādīda dil aur diida hai apnā

to ai be-dīd dikhlātā nahīñ dīdār kyā baa.is

pas-e-murdan mirī bālīñ pe ro kar ye lage kahne

tū kyuuñ chupkā paḌā hai āshiq-e-bīmār kyā baa.is

saḳhī se som behtar hai javāb saaf jo deve

kabhī inkār kyā maujib kabhī iqrār kyā baa.is

bigāḌ us ā.ina-rū se nahīñ gar aap kā 'ehsāñ'

banī hairat se kyuuñ tum sūrat-e-dīvār kyā baa.is

main yan baiTha to tum wan uTh gae ai yar kya bais

hue be-dil hi apne aap kyun bezar kya bais

inayat ki nahin agli se ab aasar kya bais

kiye hain band tum ne raKHna-e-diwar kya bais

kaha main ne mere ghar bhi kabhu aaoge ye bole

main kyun aaun mujhe kya wasta kya kar kya bais

niDar la-taqnatu paDh kar gunahon se tha main apne

ye waiz kyun Daraate hain mujhe ghaffar kya bais

tumhaari KHatir-watir mein ai gul-ru ye kya aaya so

mujhe kyun dekh kar hanste ho tum har bar kya bais

faqat ek did ko nadida dil aur dida hai apna

to ai be-did dikhlata nahin didar kya bais

pas-e-murdan meri baalin pe ro kar ye lage kahne

tu kyun chupka paDa hai aashiq-e-bimar kya bais

saKHi se som behtar hai jawab saf jo dewe

kabhi inkar kya maujib kabhi iqrar kya bais

bigaD us aaina-ru se nahin gar aap ka 'ehsan'

bani hairat se kyun tum surat-e-diwar kya bais