main zamane mein hun lekin ye zamana tera
maiñ zamāne meñ huuñ lekin ye zamāna terā
haath merā hai luTātā hai ḳhazāna terā
tiir terā hai kamāñ terī nishāna terā
daam merā hai tah-e-dām hai daana terā
dā.ere sab ne aqā.ed ke banā rakkhe haiñ
varna maḳhsūs nahīñ koī Thikāna terā
jo bhī suntā hai vo unvān nayā detā hai
gasht kartā hai zamāne meñ fasāna terā
tez chaltī rahī tanqīd-o-siyāsat kī havā
gard-ālūd havā ā.ina-ḳhāna terā
ham-navā kis ko banā.ūñ kise hamrāz karūñ
maiñ akelā huuñ zamāne kā zamāna terā
main zamane mein hun lekin ye zamana tera
hath mera hai luTata hai KHazana tera
tir tera hai kaman teri nishana tera
dam mera hai tah-e-dam hai dana tera
daere sab ne aqaed ke bana rakkhe hain
warna maKHsus nahin koi Thikana tera
jo bhi sunta hai wo unwan naya deta hai
gasht karta hai zamane mein fasana tera
tez chalti rahi tanqid-o-siyasat ki hawa
gard-alud hawa aaina-KHana tera
ham-nawa kis ko banaun kise hamraaz karun
main akela hun zamane ka zamana tera
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
