tere siwa kisi ki tamanna karunga main

Ajmal Siraj

tere siwa kisi ki tamanna karunga main

Ajmal Siraj

MORE BYAjmal Siraj

    tere sivā kisī tamannā karūñgā maiñ

    aisā kabhī huā hai jo aisā karūñgā maiñ

    go ġham aziiz hai mujhe tere firāq

    phir bhī is imtihān shikva karūñgā maiñ

    āñkhoñ ko ashk o ḳhuuñ bhī farāham karūñgā maiñ

    dil ke liye bhī dard muhayyā karūñgā maiñ

    rāhat bhī rañj, rañj bhī rāhat ho jab to phir

    kyā etibār-e-ḳhvāhish-e-duniyā karūñgā maiñ

    rakkhā hai kyā jahān meñ ye aur baat hai

    ye aur baat hai ki taqāzā karūñgā maiñ

    ye rahguzar ki jā-e-qayām-e-qarār thī

    ya.anī ab us galī se bhī guzrā karūñgā maiñ

    ya.anī kuchh is tarah ki tujhe bhī ḳhabar na ho

    is ehtiyāt se tujhe dekhā karūñgā maiñ

    hai dekhne chiiz to ye iltifāt bhī

    dekhoge tum gurez bhī aisā karūñgā maiñ

    hairān o dil-shikasta huuñ is hāl-e-zār par

    kab jāntā thā apnā tamāshā karūñgā maiñ

    haañ khīñch lūñgā vaqt zanjīr paañv se

    ab ke bahār aa.ī to aisā karūñgā maiñ

    tere siwa kisi ki tamanna karunga main

    aisa kabhi hua hai jo aisa karunga main

    go gham aziz hai mujhe tere firaq ka

    phir bhi is imtihan ka shikwa karunga main

    aankhon ko ashk o KHun bhi faraham karunga main

    dil ke liye bhi dard muhayya karunga main

    rahat bhi ranj, ranj bhi rahat ho jab to phir

    kya etibar-e-KHwahish-e-duniya karunga main

    rakkha hai kya jahan mein ye aur baat hai

    ye aur baat hai ki taqaza karunga main

    ye rahguzar ki ja-e-qayam-e-qarar thi

    yani ab us gali se bhi guzra karunga main

    yani kuchh is tarah ki tujhe bhi KHabar na ho

    is ehtiyat se tujhe dekha karunga main

    hai dekhne ki chiz to ye iltifat bhi

    dekhoge tum gurez bhi aisa karunga main

    hairan o dil-shikasta hun is haal-e-zar par

    kab jaanta tha apna tamasha karunga main

    han khinch lunga waqt ki zanjir panw se

    ab ke bahaar aai to aisa karunga main

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now