majlis-e-aish garm ho ya-rab

majlis-e-aish garm ho yā-rab

yaar agar hove sham-e-bazm-e-tarab

ḳhūn-e-dil āñsuoñ meñ sarf huā

gir ga.ī ye bharī gulābī sab

mohr hai dāġh-e-ġham siiñ dil kī barāt

naqd-e-dīdār hai hamārī talab

chāhiye zāhidoñ kuuñ hujra-e-tañg

bāġh-e-āshiq hai vus.at-e-mashrab

dil mirā hai tire taġhāful siiñ

andalīb-e-gul-e-bahār ġhazab

dil kī jāgīr hai jamāl-ābād

jab siiñ paayā hai ishq kā mansab

na mile jab talak visāl us kā

tab talak faut hai mirā matlab

gul kī mānind mat pareshāñ ho

band kar misl-e-ġhuncha apne lab

sham.a o parvāna siiñ sunā hai 'sirāj'

sidq-e-dil siiñ adab hai tark-e-adab

majlis-e-aish garm ho ya-rab

yar agar howe sham-e-bazm-e-tarab

KHun-e-dil aansuon mein sarf hua

gir gai ye bhari gulabi sab

mohr hai dagh-e-gham sin dil ki baraat

naqd-e-didar hai hamari talab

chahiye zahidon kun hujra-e-tang

bagh-e-ashiq hai wusat-e-mashrab

dil mera hai tere taghaful sin

andalib-e-gul-e-bahaar ghazab

dil ki jagir hai jamal-abaad

jab sin paya hai ishq ka mansab

na mile jab talak visal us ka

tab talak faut hai mera matlab

gul ki manind mat pareshan ho

band kar misl-e-ghuncha apne lab

shama o parwana sin suna hai 'siraj'

sidq-e-dil sin adab hai tark-e-adab