majnun ne shahr chhoDa to sahra bhi chhoD de

Roman

Click on any word for its meaning

previous

majnūñ ne shahr chhoḌā to sahrā bhī chhoḌ de


nazzāre havas ho to lailā bhī chhoḌ de

vaa.iz kamāl-e-tark se miltī hai yaañ murād


duniyā jo chhoḌ hai to uqbā bhī chhoḌ de

taqlīd ravish se to behtar hai ḳhud-kushī


rasta bhī DhūñD ḳhizr saudā bhī chhoḌ de

mānind-e-ḳhāma terī zabāñ par hai harf-e-ġhair


begāna shai pe nāzish-e-bejā bhī chhoḌ de

lutf-e-kalām kyā jo na ho dil meñ dard-e-ishq


bismil nahīñ hai to taḌapnā bhī chhoḌ de

shabnam tarah phūloñ pe ro aur chaman se chal


is baaġh meñ qayām saudā bhī chhoḌ de

hai āshiqī meñ rasm alag sab se baiThnā


but-ḳhāna bhī haram bhī kalīsā bhī chhoḌ de

saudā-garī nahīñ ye ibādat ḳhudā hai


ai be-ḳhabar jazā tamannā bhī chhoḌ de

achchhā hai dil ke saath rahe pāsbān-e-aql


lekin kabhī kabhī ise tanhā bhī chhoḌ de

jiinā vo kyā jo ho nafas-e-ġhair par madār


shohrat zindagī bharosā bhī chhoḌ de

shoḳhī hai savāl-e-mukarrar meñ ai kalīm


shart-e-razā ye hai ki taqāzā bhī chhoḌ de

vaa.iz subūt laa.e jo mai ke javāz meñ


'iqbāl' ko ye zid hai ki piinā bhī chhoḌ de

majnun ne shahr chhoDa to sahra bhi chhoD de


nazzare ki hawas ho to laila bhi chhoD de

waiz kamal-e-tark se milti hai yan murad


duniya jo chhoD di hai to uqba bhi chhoD de

taqlid ki rawish se to behtar hai KHud-kushi


rasta bhi DhunD KHizr ka sauda bhi chhoD de

manind-e-KHama teri zaban par hai harf-e-ghair


begana shai pe nazish-e-beja bhi chhoD de

lutf-e-kalam kya jo na ho dil mein dard-e-ishq


bismil nahin hai tu to taDapna bhi chhoD de

shabnam ki tarah phulon pe ro aur chaman se chal


is bagh mein qayam ka sauda bhi chhoD de

hai aashiqi mein rasm alag sab se baiThna


but-KHana bhi haram bhi kalisa bhi chhoD de

sauda-gari nahin ye ibaadat KHuda ki hai


ai be-KHabar jaza ki tamanna bhi chhoD de

achchha hai dil ke sath rahe pasban-e-aql


lekin kabhi kabhi ise tanha bhi chhoD de

jina wo kya jo ho nafas-e-ghair par madar


shohrat ki zindagi ka bharosa bhi chhoD de

shoKHi si hai sawal-e-mukarrar mein ai kalim


shart-e-raza ye hai ki taqaza bhi chhoD de

waiz subut lae jo mai ke jawaz mein


'iqbaal' ko ye zid hai ki pina bhi chhoD de

Commentary by Frances Pritchett

Close Source content commmentary source
next

SAY SOMETHING ABOUT THIS GHAZAL

comments powered by Disqus
x