makDiyon ne waqt ki kar diya kamal sa

makḌiyoñ ne vaqt kī kar diyā kamāl sā

mere gird bun diyā uljhanoñ kā jaal sā

is na.ī sadī kā ye kār-nāma ḳhuub hai

sukh kā ek lamha hai dukh ke ek saal sā

piiTh par ladā huā mas.aloñ kā bojh hai

ban gayā hai aadmī āj-kal hamāl sā

dostī ke vaar se TukḌe TukḌe ho gayā

dil hamāre siine meñ thā kabhī jo Dhaal sā

fikr-o-fan kī tishnagī kis tarah bujhā.ūñ maiñ

bastī-e-ḳhayāl meñ lafzoñ kā hai kaal sā

mausam-e-bahār hai par abhī khilā nahīñ

'gulshan'-e-hayāt meñ phuul be-misāl sā

makDiyon ne waqt ki kar diya kamal sa

mere gird bun diya uljhanon ka jal sa

is nai sadi ka ye kar-nama KHub hai

sukh ka ek lamha hai dukh ke ek sal sa

piTh par lada hua masalon ka bojh hai

ban gaya hai aadmi aaj-kal hamal sa

dosti ke war se TukDe TukDe ho gaya

dil hamare sine mein tha kabhi jo Dhaal sa

fikr-o-fan ki tishnagi kis tarah bujhaun main

basti-e-KHayal mein lafzon ka hai kal sa

mausam-e-bahaar hai par abhi khila nahin

'gulshan'-e-hayat mein phul be-misal sa