maKHmali KHwab ka aankhon mein na manzar phaila

maḳhmalī ḳhvāb kā āñkhoñ meñ na manzar phailā

zahr hī zahr mire jism ke andar phailā

sabz mausam meñ bhī ho jis kī shabāhat piilī

is chaman meñ kahīñ sho.ale kahīñ patthar phailā

ḳhaufnākī asar-andāz huā kartī hai

is ko aḳhbār kī mānind na ghar ghar phailā

ho ye mumkin to mire jism ke andar bhī utar

reza reza mujhe har samt barābar phailā

iḳhtirā.āt ke baa.is hī jahāñ meñ ab tak

na.e ehsās kā be-pāyāñ samundar phailā

vaj.h-e-taklīf na ban jaa.e ḳhalā kī ḳhvāhish

ab uḌānoñ ke liye par na kabūtar phailā

laakh sūraj kī ināyāt raheñ mere saath

merā saaya na mire qad ke barābar phailā

maKHmali KHwab ka aankhon mein na manzar phaila

zahr hi zahr mere jism ke andar phaila

sabz mausam mein bhi ho jis ki shabahat pili

is chaman mein kahin shoale kahin patthar phaila

KHaufnaki asar-andaz hua karti hai

is ko aKHbar ki manind na ghar ghar phaila

ho ye mumkin to mere jism ke andar bhi utar

reza reza mujhe har samt barabar phaila

iKHtiraat ke bais hi jahan mein ab tak

nae ehsas ka be-payan samundar phaila

wajh-e-taklif na ban jae KHala ki KHwahish

ab uDanon ke liye par na kabutar phaila

lakh suraj ki inayat rahen mere sath

mera saya na mere qad ke barabar phaila