makin ko makan se nikaliye

makīn ko makān se nikāliye

ye nuqta āsmān se nikāliye

hamāre saath kījiye mukālima

to ḳhud ko darmiyān se nikāliye

ḳhazāna rahne dījiye zamīn meñ

havas ko dāstān se nikāliye

namī jagah banā rahī hai aañkh meñ

ye tiir ab kamān se nikāliye

hamārī chup ko sunte jaa.eñ ġhaur se

hamārī baat kaan se nikāliye

fazāoñ meñ panap rahī haiñ sāzisheñ

so bāl-o-par bhī dhyān se nikāliye

samay guzar rahā hai saañs rok kar

sadī ko imtihān se nikāliye

nikal na jaa.e baat dūsrī taraf

lakīr ik zabān se nikāliye

ḳharāb ho rahī hai jins-e-ārzū

ye maal ab dukān se nikāliye

makin ko makan se nikaliye

ye nuqta aasman se nikaliye

hamare sath kijiye mukalima

to KHud ko darmiyan se nikaliye

KHazana rahne dijiye zamin mein

hawas ko dastan se nikaliye

nami jagah bana rahi hai aankh mein

ye tir ab kaman se nikaliye

hamari chup ko sunte jaen ghaur se

hamari baat kan se nikaliye

fazaon mein panap rahi hain sazishen

so baal-o-par bhi dhyan se nikaliye

samay guzar raha hai sans rok kar

sadi ko imtihan se nikaliye

nikal na jae baat dusri taraf

lakir ek zaban se nikaliye

KHarab ho rahi hai jins-e-arzu

ye mal ab dukan se nikaliye