maktabon mein kahin ranai-e-afkar bhi hai
Interesting Fact
Baal-e-Gibril
maktaboñ meñ kahīñ rānā.i-e-afkār bhī hai
ḳhānqāhoñ meñ kahīñ lazzat-e-asrār bhī hai
manzil-e-rāh-ravāñ duur bhī dushvār bhī hai
koī is qāfile meñ qāfila-sālār bhī hai
baḌh ke ḳhaibar se hai ye mārka-e-dīn-o-vatan
is zamāne meñ koī haidar-e-karrār bhī hai
ilm kī had se pare banda-e-momin ke liye
lazzat-e-shauq bhī hai nemat-e-dīdār bhī hai
pīr-e-mai-ḳhāna ye kahtā hai ki aivān-e-farañg
sust-buniyād bhī hai ā.īna-dīvār bhī hai
maktabon mein kahin ranai-e-afkar bhi hai
KHanqahon mein kahin lazzat-e-asrar bhi hai
manzil-e-rah-rawan dur bhi dushwar bhi hai
koi is qafile mein qafila-salar bhi hai
baDh ke KHaibar se hai ye marka-e-din-o-watan
is zamane mein koi haidar-e-karrar bhi hai
ilm ki had se pare banda-e-momin ke liye
lazzat-e-shauq bhi hai nemat-e-didar bhi hai
pir-e-mai-KHana ye kahta hai ki aiwan-e-farang
sust-buniyaad bhi hai aaina-diwar bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
