malal-e-dil se ilaj-e-gham-e-zamana kiya

malāl-e-dil se ilāj-e-ġham-e-zamāna kiyā

ziyā-e-mehr se raushan charāġh-e-ḳhāna kiyā

sahar huī to vo aa.e laToñ ko chhaTkāte

zarā ḳhayāl-e-pareshāni-e-sabā na kiyā

hazār shukr ki ham maslahat-shanās na the

ki ham ne jis se kiyā ishq vālehāna kiyā

vo jis ke lutf meñ begānagī bhī shāmil thī

usī ne aaj guzar dil se mahramāna kiyā

vo bazm-e-harf ho yā mahfil-e-samā-e-ḳhayāl

jahāñ bhī vajd kiyā ham ne be-tarāna kiyā

malal-e-dil se ilaj-e-gham-e-zamana kiya

ziya-e-mehr se raushan charagh-e-KHana kiya

sahar hui to wo aae laTon ko chhaTkate

zara KHayal-e-pareshani-e-saba na kiya

hazar shukr ki hum maslahat-shanas na the

ki hum ne jis se kiya ishq walehana kiya

wo jis ke lutf mein beganagi bhi shamil thi

usi ne aaj guzar dil se mahramana kiya

wo bazm-e-harf ho ya mahfil-e-sama-e-KHayal

jahan bhi wajd kiya hum ne be-tarana kiya