mannat-guzar-e-rahzan-o-rahbar na the

mannat-guzār-e-rāhzan-o-rāhbar na the

ham kab harīf-e-gardish-e-shām-o-sahar na the

tūfān-e-bād-o-ġham se bhī zer-o-zabar na the

āḳhir ham aadmī the charāġh-e-sahar na the

guzre rah-e-junūñ se bahut kārvāñ magar

vo choT khā ga.e jo vasī-un-nazar na the

ahl-e-vafā ne manzil-e-maqsad ko pā liyā

vo bad-nasīb the jo sharīk-e-safar na the

allāh re tazād-e-yaqīn-o-gumān-e-shauq

ham mo'atabar na the kabhī tum mo'atabar na the

kab ahl-e-dil ko dard meñ rāhat nahīñ milī

kab hādsāt marham-e-zaḳhm-e-jigar na the

ab tak vahī hai tīrgī-e-shām-e-zindagī

'bismil' mah-o-nujūm safīr-e-sahar na the

mannat-guzar-e-rahzan-o-rahbar na the

hum kab harif-e-gardish-e-sham-o-sahar na the

tufan-e-baad-o-gham se bhi zer-o-zabar na the

aaKHir hum aadmi the charagh-e-sahar na the

guzre rah-e-junun se bahut karwan magar

wo choT kha gae jo wasi-un-nazar na the

ahl-e-wafa ne manzil-e-maqsad ko pa liya

wo bad-nasib the jo sharik-e-safar na the

allah re tazad-e-yaqin-o-guman-e-shauq

hum mo'atabar na the kabhi tum mo'atabar na the

kab ahl-e-dil ko dard mein rahat nahin mili

kab hadsat marham-e-zaKHm-e-jigar na the

ab tak wahi hai tirgi-e-sham-e-zindagi

'bismil' mah-o-nujum safir-e-sahar na the