manzil-e-be-nishan se kya hasil

manzil-e-be-nishāñ se kyā hāsil

gum-shuda kārvāñ se kyā hāsil

tañg hotī zamīñ kā TukḌā de

vus.at-e-āsmāñ se kyā hāsil

kyā kareñ jab ki bujh ga.iiñ āñkheñ

raunq-e-be-karāñ se kyā hāsil

dād-ḳhvāhī kā haq bhī chhīn liyā

ab ki dār-ul-amāñ se kyā hāsil

lams rishtoñ kā paa.eñ dīvāreñ

ghar atā kar makāñ se kyā hāsil

luT ga.iiñ jab mirī matā-e-hayāt

daulat-e-dīgarāñ se kyā hāsil

nazr kar 'zauq' sā fasīh suḳhan

aisī kaj-maj zabāñ se kyā hāsil

manzil-e-be-nishan se kya hasil

gum-shuda karwan se kya hasil

tang hoti zamin ka TukDa de

wusat-e-asman se kya hasil

kya karen jab ki bujh gain aankhen

raunq-e-be-karan se kya hasil

dad-KHwahi ka haq bhi chhin liya

ab ki dar-ul-aman se kya hasil

lams rishton ka paen diwaren

ghar ata kar makan se kya hasil

luT gain jab meri mata-e-hayat

daulat-e-digaran se kya hasil

nazr kar 'zauq' sa fasih suKHan

aisi kaj-maj zaban se kya hasil