manzil-e-gham ko par kar lenge

manzil-e-ġham ko paar kar leñge

dard-e-dil hī ko yaar kar leñge

tum nahīñ aaoge ḳhabar hai hameñ

phir bhī ham intizār kar leñge

jab tū jā.egā chhoḌ kar ham ko

terī yādoñ se pyaar kar leñge

ḳhuun chhiḌkeñge sūkhī Dāloñ par

ham ḳhizāñ ko bahār kar leñge

tum milo to sahī kahīñ ham ko

ishq be-iḳhtiyār kar leñge

kuchh nahīñ mil sakā hameñ 'māmūn'

tum miloge to pyaar kar leñge

manzil-e-gham ko par kar lenge

dard-e-dil hi ko yar kar lenge

tum nahin aaoge KHabar hai hamein

phir bhi hum intizar kar lenge

jab tu jaega chhoD kar hum ko

teri yaadon se pyar kar lenge

KHun chhiDkenge sukhi Dalon par

hum KHizan ko bahaar kar lenge

tum milo to sahi kahin hum ko

ishq be-iKHtiyar kar lenge

kuchh nahin mil saka hamein 'mamun'

tum miloge to pyar kar lenge