mar bhi jaun to kahan log bhula hi denge
mar bhī jā.ūñ to kahāñ log bhulā hī deñge
lafz mere mire hone kī gavāhī deñge
log tharrā ga.e jis vaqt munādī aa.ī
aaj paiġhām nayā zill-e-ilāhī deñge
jhoñke kuchh aaise thapakte haiñ guloñ ke ruḳhsār
jaise is baar to pat-jhaḌ se bachā hī deñge
ham vo shab-zād ki sūraj kī ināyāt meñ bhī
apne bachchoñ ko faqat kor-nigāhī deñge
āstīñ sāñpoñ kī pahneñge gale meñ maalā
ahl-e-kūfa ko na.ī shahr-panāhī deñge
shahr kī chābiyāñ a.adā ke havāle kar ke
tohfatan phir unheñ maqtūl sipāhī deñge
mar bhi jaun to kahan log bhula hi denge
lafz mere mere hone ki gawahi denge
log tharra gae jis waqt munadi aai
aaj paigham naya zill-e-ilahi denge
jhonke kuchh aaise thapakte hain gulon ke ruKHsar
jaise is bar to pat-jhaD se bacha hi denge
hum wo shab-zad ki suraj ki inayat mein bhi
apne bachchon ko faqat kor-nigahi denge
aastin sanpon ki pahnenge gale mein mala
ahl-e-kufa ko nai shahr-panahi denge
shahr ki chabiyan aada ke hawale kar ke
tohfatan phir unhen maqtul sipahi denge
- Book : kulliyaat-e-maahe tamaam(sadbarg) (Pg. 20)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
