mar ke bhi qamat-e-mahbub ki ulfat na gai

mar ke bhī qāmat-e-mahbūb kī ulfat na ga.ī

ho chukā hashr bhī lekin ye qayāmat na ga.ī

shab ko mai ḳhuub sī pī sub.h ko tauba kar lī

riñd ke riñd rahe haath se jannat na ga.ī

bosa le kar jo mukartā huuñ to vo kahte haiñ

shā.irī kā asar aur jhuuT kī aadat na ga.ī

daaġh miTte na sunā dil se tirī hasrat kā

aa.ī jis ghar meñ phir us ghar se ye daulat na ga.ī

paas baiThe bhī to kyā jald uThe ghabrā kar

merā saudā to gayā aap kī vahshat na ga.ī

na huā saaf dil-e-yār kisī tarah 'jalāl'

ḳhaak meñ mil ga.e ham us kī kudūrat na ga.ī

mar ke bhi qamat-e-mahbub ki ulfat na gai

ho chuka hashr bhi lekin ye qayamat na gai

shab ko mai KHub si pi subh ko tauba kar li

rind ke rind rahe hath se jannat na gai

bosa le kar jo mukarta hun to wo kahte hain

shairi ka asar aur jhuT ki aadat na gai

dagh miTte na suna dil se teri hasrat ka

aai jis ghar mein phir us ghar se ye daulat na gai

pas baiThe bhi to kya jald uThe ghabra kar

mera sauda to gaya aap ki wahshat na gai

na hua saf dil-e-yar kisi tarah 'jalal'

KHak mein mil gae hum us ki kudurat na gai