mar rahte hain dar par tere do-chaar hamesha

mar rahte haiñ dar par tire do-chār hamesha

hai jaur-o-jafā tujh ko sazā-vār hamesha

āshiq tirā marne ko hai tayyār hamesha

dikhlā na mizha ḳhanjar-e-ḳhūñ-ḳhār hamesha

ik chheḌ nikāle hai na.ī yaar hamesha

rahtā hai mire dar-pa.e-āzār hamesha

allāh salāmat rakhe tere lab-e-shīrīñ

sunvāyā kare bāteñ mazedār hamesha

hai Dar se tire ālam-e-bālā tah-o-bālā

laTke hai tirī arsh pe talvār hamesha

juuñ halqa-e-dar dar pe tire sub.h se tā-sub.h

rahtā hai tirā tālib-e-dīdār hamesha

iz.hār karūñ jis se maiñ ahvāl ko apne

ahvāl-e-tabāh us kā rahe yaar hamesha

mar rahte hain dar par tere do-chaar hamesha

hai jaur-o-jafa tujh ko saza-war hamesha

aashiq tera marne ko hai tayyar hamesha

dikhla na mizha KHanjar-e-KHun-KHar hamesha

ek chheD nikale hai nai yar hamesha

rahta hai mere dar-pae-azar hamesha

allah salamat rakhe tere lab-e-shirin

sunwaya kare baaten mazedar hamesha

hai Dar se tere aalam-e-baala tah-o-baala

laTke hai teri arsh pe talwar hamesha

jun halqa-e-dar dar pe tere subh se ta-subh

rahta hai tera talib-e-didar hamesha

izhaar karun jis se main ahwal ko apne

ahwal-e-tabah us ka rahe yar hamesha