maraz-e-ishq jise ho use kya yaad rahe

Sheikh Ibrahim Zauq

maraz-e-ishq jise ho use kya yaad rahe

Sheikh Ibrahim Zauq

MORE BY Sheikh Ibrahim Zauq

    maraz-e-ishq jise ho use kyā yaad rahe

    na davā yaad rahe aur na duā yaad rahe

    tum jise yaad karo phir use kyā yaad rahe

    na ḳhudā.ī ho parvā na ḳhudā yaad rahe

    loTte saikḌoñ naḳhchīr haiñ kyā yaad rahe

    chiir do siine meñ dil ko ki patā yaad rahe

    raat vaada hai bande se agar banda-navāz

    band meñ de lo girah ki zarā yaad rahe

    qāsid-e-āshiq-e-saudā-zada kyā laa.e javāb

    jab na mālūm ho ghar aur na patā yaad rahe

    dekh bhī lenā hameñ raah meñ aur kyuuñ sāhab

    ham se muñh pher ke jaanā ye bhalā yaad rahe

    tere mad.hosh se kyā hosh o ḳhirad ho ummīd

    raat bhī na jise khāyā huā yaad rahe

    kushta-e-nāz gardan pe chhurī phero jab

    kaash us vaqt tumheñ nām-e-ḳhudā yaad rahe

    ḳhaak barbād na karnā mirī us kūche meñ

    tujh se kah detā huuñ maiñ bād-e-sabā yaad rahe

    gor tak aa.e to chhātī pe qadam bhī rakh do

    koī be-dil idhar aa.e to patā yaad rahe

    terā āshiq na ho āsūda ba-zer-e-tūbā

    ḳhuld meñ bhī tire kūche havā yaad rahe

    baaz aa jaa.eñ jafā se jo kabhī aap to phir

    yaad āshiq ko na kījegā bhalā yaad rahe

    dāġh-e-dil par mire phāhā nahīñ hai añgārā

    chārāgar liijo na chuTkī se uThā yaad rahe

    zaḳhm-e-dil bole mire dil ke namak-ḳhvāroñ se

    lo bhalā kuchh to mohabbat mazā yaad rahe

    hazrat-e-ishq ke maktab meñ hai tālīm kuchh aur

    yaañ likkhā yaad rahe aur na paḌhā yaad rahe

    gar haqīqat meñ hai rahnā to na rakh ḳhud-bīnī

    bhūle banda jo ḳhudī ko to ḳhudā yaad rahe

    ālam-e-husn ḳhudā.ī hai butoñ ai 'zauq'

    chal ke but-ḳhāne meñ baiTho ki ḳhudā yaad rahe

    maraz-e-ishq jise ho use kya yaad rahe

    na dawa yaad rahe aur na dua yaad rahe

    tum jise yaad karo phir use kya yaad rahe

    na KHudai ki ho parwa na KHuda yaad rahe

    loTte saikDon naKHchir hain kya yaad rahe

    chir do sine mein dil ko ki pata yaad rahe

    raat ka wada hai bande se agar banda-nawaz

    band mein de lo girah ta ki zara yaad rahe

    qasid-e-ashiq-e-sauda-zada kya lae jawab

    jab na malum ho ghar aur na pata yaad rahe

    dekh bhi lena hamein rah mein aur kyun sahab

    hum se munh pher ke jaana ye bhala yaad rahe

    tere madhosh se kya hosh o KHirad ki ho ummid

    raat ka bhi na jise khaya hua yaad rahe

    kushta-e-naz ki gardan pe chhuri phero jab

    kash us waqt tumhein nam-e-KHuda yaad rahe

    KHak barbaad na karna meri us kuche mein

    tujh se kah deta hun main baad-e-saba yaad rahe

    gor tak aae to chhati pe qadam bhi rakh do

    koi be-dil idhar aae to pata yaad rahe

    tera aashiq na ho aasuda ba-zer-e-tuba

    KHuld mein bhi tere kuche ki hawa yaad rahe

    baz aa jaen jafa se jo kabhi aap to phir

    yaad aashiq ko na kijega bhala yaad rahe

    dagh-e-dil par mere phaha nahin hai angara

    chaaragar lijo na chuTki se uTha yaad rahe

    zaKHm-e-dil bole mere dil ke namak-KHwaron se

    lo bhala kuchh to mohabbat ka maza yaad rahe

    hazrat-e-ishq ke maktab mein hai talim kuchh aur

    yan likkha yaad rahe aur na paDha yaad rahe

    gar haqiqat mein hai rahna to na rakh KHud-bini

    bhule banda jo KHudi ko to KHuda yaad rahe

    aalam-e-husn KHudai hai buton ki ai 'zauq'

    chal ke but-KHane mein baiTho ki KHuda yaad rahe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites