marg-e-ehsas bil-yaqin aaKHir
marg-e-ehsās bil-yaqīn āḳhir
aadmī ban gayā machine āḳhir
ek ik kar ke ho ga.e ruḳhsat
ḳhāna-e-dil ke sab makīn āḳhir
ghar bhī madfan bane haiñ galiyāñ bhī
tañg hone lagī zamīn āḳhir
terī chaukhaT se rah sake na alag
sang-dar ho ga.ī jabīn āḳhir
pā sake ḳhūñ-bahā diyat na qisās
zindagī ke lavāhiqīn āḳhir
ishq tasḳhīr-e-kā.enāt ke ba.ad
ho rahā dil meñ hī makīn āḳhir
khel to ḳhatm ho chukā hai 'rabāb'
kyuuñ ruke haiñ tamāshbīn āḳhir
marg-e-ehsas bil-yaqin aaKHir
aadmi ban gaya machine aaKHir
ek ek kar ke ho gae ruKHsat
KHana-e-dil ke sab makin aaKHir
ghar bhi madfan bane hain galiyan bhi
tang hone lagi zamin aaKHir
teri chaukhaT se rah sake na alag
sang-dar ho gai jabin aaKHir
pa sake KHun-baha diyat na qisas
zindagi ke lawahiqin aaKHir
ishq tasKHir-e-kaenat ke baad
ho raha dil mein hi makin aaKHir
khel to KHatm ho chuka hai 'rabab'
kyun ruke hain tamashbin aaKHir
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
