marhale aasan sare ho gae

marhale āsān saare ho ga.e

tum hamāre ham tumhāre ho ga.e

aap se milnā ḳhushī kī baat hai

aap to āñkhoñ ke taare ho ga.e

miT ga.iiñ mahrūmiyāñ aur fāsle

sab se chhuT kar vo hamāre ho ga.e

aap ke aate hī tārīkī ga.ī

dil meñ raushan chāñd taare ho ga.e

aa.ī jab girdāb meñ kashtī mirī

duur nazroñ se kināre ho ga.e

ashk the āñkhoñ meñ the jab tak mirī

aa ke palkoñ par sharāre ho ga.e

vo jo aa.e to mirī qismat ke 'soz'

kis qadar ūñche sitāre ho ga.e

marhale aasan sare ho gae

tum hamare hum tumhaare ho gae

aap se milna KHushi ki baat hai

aap to aankhon ke tare ho gae

miT gain mahrumiyan aur fasle

sab se chhuT kar wo hamare ho gae

aap ke aate hi tariki gai

dil mein raushan chand tare ho gae

aai jab girdab mein kashti meri

dur nazron se kinare ho gae

ashk the aankhon mein the jab tak meri

aa ke palkon par sharare ho gae

wo jo aae to meri qismat ke 'soz'

kis qadar unche sitare ho gae