sukhe hue daraKHt ke patton ko dekhna

sūkhe hue daraḳht ke pattoñ ko dekhnā

phir chehra-e-hatyāt ke zaḳhmoñ ko dekhnā

ḳhush-rañgī-e-hayāt kā pāoge aks tum

patthar uchhāl kar zarā lahroñ ko dekhnā

merī nazar meñ ye bhī ibādat ḳhudā kī hai

shafqat bharī nigāh se bachchoñ ko dekhnā

is vāste maiñ paas hī rakhtā huuñ aa.ina

mushkil hai apnī aañkh se jazboñ ko dekhnā

taḳhrīb-e-kā.enāt kī zinda misāl hai

sāhil pe intishār ke zaḳhmoñ ko dekhnā

jakḌeñge ek din vahī rishtoñ ke jaal meñ

ho jaa.e dhund saaf to apnoñ ko dekhnā

sukhe hue daraKHt ke patton ko dekhna

phir chehra-e-hatyat ke zaKHmon ko dekhna

KHush-rangi-e-hayat ka paoge aks tum

patthar uchhaal kar zara lahron ko dekhna

meri nazar mein ye bhi ibaadat KHuda ki hai

shafqat bhari nigah se bachchon ko dekhna

is waste main pas hi rakhta hun aaina

mushkil hai apni aankh se jazbon ko dekhna

taKHrib-e-kaenat ki zinda misal hai

sahil pe intishaar ke zaKHmon ko dekhna

jakDenge ek din wahi rishton ke jal mein

ho jae dhund saf to apnon ko dekhna