masnad-nashin hone ki chahat nahin mujhe

masnad-nashīn hone kī chāhat nahīñ mujhe

manzūr be-hisoñ kī qayādat nahīñ mujhe

haq baat ke evaz meñ milī hai sazā-e-maut

gustāḳhī-e-zabāñ pe nadāmat nahīñ mujhe

nīchī bahut hai qad se mire āsmāñ kī chhat

varna falak se koī shikāyat nahīñ mujhe

qur.ān jab paḌhā to huā mujh pe munkashif

degī faqat namāz hī jannat nahīñ mujhe

merā vajūd tere liye ik savāl hai

denā javāb soch ke ujlat nahīñ mujhe

zulf-e-suḳhan sañvārtā rahtā huuñ sub.h-o-shām

kār-e-junūñ meñ vaqt kī qillat nahīñ mujhe

vaqt aa.egā to jaan bhī de dūñgā maiñ 'shafaq'

lekin abhī junūn-e-shahādat nahīñ mujhe

masnad-nashin hone ki chahat nahin mujhe

manzur be-hison ki qayaadat nahin mujhe

haq baat ke ewaz mein mili hai saza-e-maut

gustaKHi-e-zaban pe nadamat nahin mujhe

nichi bahut hai qad se mere aasman ki chhat

warna falak se koi shikayat nahin mujhe

quran jab paDha to hua mujh pe munkashif

degi faqat namaz hi jannat nahin mujhe

mera wajud tere liye ek sawal hai

dena jawab soch ke ujlat nahin mujhe

zulf-e-suKHan sanwarta rahta hun subh-o-sham

kar-e-junun mein waqt ki qillat nahin mujhe

waqt aaega to jaan bhi de dunga main 'shafaq'

lekin abhi junun-e-shahadat nahin mujhe