matla ghazal ka ghair zaruri kya kyun kab ka hissa hai

matl.a ġhazal kā ġhair zarūrī kyā kyuuñ kab kā hissa hai

zindagī chokleT cake hai thoḌā thoḌā sab kā hissa hai

ab jo bar meñ tanhā piitā huuñ coffē ke naam pe zahr

us kī talḳh sī shīrīnī meñ us ke lab kā hissa hai

lok kahāniyoñ meñ mā-ba.ad-e-jadīd kī pesh-āmad jaise

fiction kī re-cell value meñ maz.hab kā hissa hai

ke-pī-ke afghanistan hai aur balochistan īrān

sindh hai chiin meñ aur pyārā punjab arab kā hissa hai

sohnī yā sohne se pahle haq hai ghaḌe par paanī kā

kab se ghaḌī meñ jab aur tab se zyāda ab kā hissa hai

maanā hijr kī raat hai ye par kitnī ḳhushī kī baat hai ye

ġham kī rim-rim-jhim kī hamdam bazm-e-tarab kā hissa hai

cab chalāne vaale daajī tab chalāne vaalā saajī

vo jo adab kā hissa the to ye bhī adab kā hissa hai

tai huā nazm hī mustaqbil hai pān-sau bil hai bha.ī pyāro

aañkh na maaro ġhazal hamāre hasab-nasab kā hissa hai

ik din jab būḌhe painter ke paas sharāb ke paise nahīñ the

chhat par ye ghanghor ghaTā tab se is pub kā hissa hai

sex jo pahle sāḳhtiyātī roz-o-shab kā hissa thī

ab māba.ad-e-sāḳhtiyātī roz-o-shab kā hissa hai

qāfiya bahr radīf vaġhaira jaise harīf zarīf vaġhaira

in ko ThanDā soDa pilāo bhaa.ī ye kab kā qissa hai

matla ghazal ka ghair zaruri kya kyun kab ka hissa hai

zindagi chokleT cake hai thoDa thoDa sab ka hissa hai

ab jo bar mein tanha pita hun coffee ke nam pe zahr

us ki talKH si shirini mein us ke lab ka hissa hai

lok kahaniyon mein ma-baad-e-jadid ki pesh-amad jaise

fiction ki re-cell walue mein mazhab ka hissa hai

ke-pi-ke afghanistan hai aur balochistan iran

sindh hai chin mein aur pyara punjab arab ka hissa hai

sohni ya sohne se pahle haq hai ghaDe par pani ka

kab se ghaDi mein jab aur tab se zyaada ab ka hissa hai

mana hijr ki raat hai ye par kitni KHushi ki baat hai ye

gham ki rim-rim-jhim ki hamdam bazm-e-tarab ka hissa hai

cab chalane wale daji tab chalane wala saji

wo jo adab ka hissa the to ye bhi adab ka hissa hai

tai hua nazm hi mustaqbil hai pan-sau bil hai bhai pyaro

aankh na maro ghazal hamare hasab-nasab ka hissa hai

ek din jab buDhe painter ke pas sharab ke paise nahin the

chhat par ye ghanghor ghaTa tab se is pub ka hissa hai

sex jo pahle saKHtiyati roz-o-shab ka hissa thi

ab mabaad-e-saKHtiyati roz-o-shab ka hissa hai

qafiya bahr radif waghaira jaise harif zarif waghaira

in ko ThanDa soDa pilao bhai ye kab ka qissa hai