matlab muamalat ka kuchh pa gaya hun main

Abdul Hamid Adam

matlab muamalat ka kuchh pa gaya hun main

Abdul Hamid Adam

MORE BY Abdul Hamid Adam

    matlab muāmalāt kuchh gayā huuñ maiñ

    hañs kar fareb-e-chashm-e-karam khā gayā huuñ maiñ

    bas intihā hai chhoḌiye bas rahne dījiye

    ḳhud apne e'timād se sharmā gayā huuñ maiñ

    saaqī zarā nigāh milā kar to dekhnā

    kambaḳht hosh meñ to nahīñ aa gayā huuñ maiñ

    shāyad mujhe nikāl ke pachhtā rahe hoñ aap

    mahfil meñ is ḳhayāl se phir aa gayā huuñ maiñ

    kyā ab hisāb bhī mirā legā hashr meñ

    kyā ye itaab kam hai yahāñ aa gayā huuñ maiñ

    maiñ ishq huuñ mirā bhalā kyā kaam daar se

    vo shar.a thī jise vahāñ laTkā gayā huuñ maiñ

    niklā thā mai-kade se ki ab ghar chalūñ 'adam'

    ghabrā ke sū-e-mai-kada phir aa gayā huuñ maiñ

    matlab muamalat ka kuchh pa gaya hun main

    hans kar fareb-e-chashm-e-karam kha gaya hun main

    bas intiha hai chhoDiye bas rahne dijiye

    KHud apne e'timad se sharma gaya hun main

    saqi zara nigah mila kar to dekhna

    kambaKHt hosh mein to nahin aa gaya hun main

    shayad mujhe nikal ke pachhta rahe hon aap

    mahfil mein is KHayal se phir aa gaya hun main

    kya ab hisab bhi tu mera lega hashr mein

    kya ye itab kam hai yahan aa gaya hun main

    main ishq hun mera bhala kya kaam dar se

    wo shara thi jise wahan laTka gaya hun main

    nikla tha mai-kade se ki ab ghar chalun 'adam'

    ghabra ke su-e-mai-kada phir aa gaya hun main

    Source:

    • Book: Adam ki behtareen ghazlein (Pg. 91)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites