mauja-e-dil ka mere be-his-o-harkat lagna

mauja-e-dil kā mire be-his-o-harkat lagnā

kisī kachiyal meñ bhare saañp kī sūrat lagnā

guzar-auqāt kī ḳhātir vo mirī dar-badarī

aur merā dar-o-dīvār se vahshat lagnā

baiThe rahnā kahīñ sannāTe meñ din bhar ḳhāmosh

shaam jab uThnā to ik ranj-e-masāfat lagnā

mā'rifat aisī hī hai apnī nazar meñ jaise

kisī paude ke numū meñ tirī qudrat lagnā

is ḳhazāne ko uThā kar maiñ kahāñ le jā.ūñ

dekhnā sabze ko to apnī hī daulat lagnā

reg-e-sāhil pe mirā baiThnā tā-der aur 'zeb'

bahr-e-zartāb kā vo merī virāsat lagnā

mauja-e-dil ka mere be-his-o-harkat lagna

kisi kachiyal mein bhare sanp ki surat lagna

guzar-auqat ki KHatir wo meri dar-badari

aur mera dar-o-diwar se wahshat lagna

baiThe rahna kahin sannaTe mein din bhar KHamosh

sham jab uThna to ek ranj-e-masafat lagna

ma'rifat aisi hi hai apni nazar mein jaise

kisi paude ke numu mein teri qudrat lagna

is KHazane ko uTha kar main kahan le jaun

dekhna sabze ko to apni hi daulat lagna

reg-e-sahil pe mera baiThna ta-der aur 'zeb'

bahr-e-zartab ka wo meri wirasat lagna