mausam-e-gul kunj-e-gulshan nikhat-e-gesu na ho

mausam-e-gul kunj-e-gulshan nik.hat-e-gesū na ho

ab yahī ḳhvāhish hai taskīñ kā koī pahlū na ho

maiñ ki terī ruuh kā iz.hār huuñ mumkin nahīñ

terī bātoñ meñ mire afkār kī ḳhushbū na ho

ai sanā-ḳhvān-e-tajallī ye bhī sochā hai kabhī

ye sarāsīma tajallī raat kā jaadū na ho

imtihān-e-tishnagī kī manzil-e-āḳhir hai ye

ai dil-e-nā-āqebat-andesh be-qābū na ho

maiñ faroġh-e-bazm-e-imkāñ maiñ amīr-e-kārvāñ

maiñ ġharīb-e-shahr-e-nā-pursāñ jo merā tū na ho

ham ne dekhe zindagī meñ aise bhī lamhāt jab

zabt kā yārāna ho aur aañkh meñ aañsū na ho

'rashk'-sāhab maiñ asīr-e-jurm-e-nā-ma.alūm huuñ

kaise mumkin hai mujhe nākāmiyoñ kī ḳhū na ho

mausam-e-gul kunj-e-gulshan nikhat-e-gesu na ho

ab yahi KHwahish hai taskin ka koi pahlu na ho

main ki teri ruh ka izhaar hun mumkin nahin

teri baaton mein mere afkar ki KHushbu na ho

ai sana-KHwan-e-tajalli ye bhi socha hai kabhi

ye sarasima tajalli raat ka jadu na ho

imtihan-e-tishnagi ki manzil-e-aKHir hai ye

ai dil-e-na-aqebat-andesh be-qabu na ho

main farogh-e-bazm-e-imkan main amir-e-karwan

main gharib-e-shahr-e-na-pursan jo mera tu na ho

hum ne dekhe zindagi mein aise bhi lamhat jab

zabt ka yarana ho aur aankh mein aansu na ho

'rashk'-sahab main asir-e-jurm-e-na-malum hun

kaise mumkin hai mujhe nakaamiyon ki KHu na ho