garmiyon ki baad-e-sar-sar dil jalane aa gai
garmiyoñ kī bād-e-sar-sar dil jalāne aa ga.ī
shab huī to yaad phir mujh ko rulāne aa ga.ī
maiñ tahayya kar ke baiThā thā ki duniyā chhoḌ duuñ
koī koyal 'ain us mauqa' pe gaane aa ga.ī
yaar to ḳhud aa na paayā itnā us ne kar diyā
yaar kī tasvīr hī mujh ko manāne aa ga.ī
ham samajh baiThe haqīqat is jahān-e-rang ko
maut phir is ḳhvāb-e-ġhaflat se jagāne aa ga.ī
'kaif' jab TuuTe hue the ham to vo aatī na thī
ḳhud huī jab ġham-zada to muskurāne aa ga.ī
garmiyon ki baad-e-sar-sar dil jalane aa gai
shab hui to yaad phir mujh ko rulane aa gai
main tahayya kar ke baiTha tha ki duniya chhoD dun
koi koyal 'ain us mauqa' pe gane aa gai
yar to KHud aa na paya itna us ne kar diya
yar ki taswir hi mujh ko manane aa gai
hum samajh baiThe haqiqat is jahan-e-rang ko
maut phir is KHwab-e-ghaflat se jagane aa gai
'kaif' jab TuTe hue the hum to wo aati na thi
KHud hui jab gham-zada to muskurane aa gai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
