maut aa.e ghar se duur bhī gar nā-gahāñ mujhe
miTTī tirī nasīb ho hindostāñ mujhe
nāqūs se hai aatī sadā-e-azāñ mujhe
kahne do jo bhī kahte haiñ ahl-e-jahāñ mujhe
manzil kī aarzū hai na ab us kī justujū
chhoḌā junūn-e-shauq ne lā kar kahāñ mujhe
ye dil kī dhaḌkaneñ haiñ ki parde meñ roz-o-shab
koī sunā rahā hai mirī dāstāñ mujhe
ai dil hazār baar tirā imtihāñ liyā
le lene de ab apnā zarā imtihāñ mujhe
ye bhī 'nazar' adā-e-fareb-e-vafā na ho
vo aaj aa rahe haiñ 'nazar' mehrbāñ mujhe
maut aae ghar se dur bhi gar na-gahan mujhe
miTTi teri nasib ho hindostan mujhe
naqus se hai aati sada-e-azan mujhe
kahne do jo bhi kahte hain ahl-e-jahan mujhe
manzil ki aarzu hai na ab us ki justuju
chhoDa junun-e-shauq ne la kar kahan mujhe
ye dil ki dhaDkanen hain ki parde mein roz-o-shab
koi suna raha hai meri dastan mujhe
ai dil hazar bar tera imtihan liya
le lene de ab apna zara imtihan mujhe
ye bhi 'nazar' ada-e-fareb-e-wafa na ho
wo aaj aa rahe hain 'nazar' mehrban mujhe
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.