maut ka falsafa nahin hota

maut kā falsafa nahīñ hotā

kaun hai jo fanā nahīñ hotā

lab se tum ne jo kuchh kahā hotā

darmiyāñ fāsla nahīñ hotā

'ishq hotā akelā duniyā meñ

husn se jo milā nahīñ hotā

tum bhī iz.hār kar ke dekho to

'ishq meñ qā.eda nahīñ hotā

jo rag-e-jāñ meñ bas gayā hai vo

dil se aksar judā nahīñ hotā

'shād' mumkin nahīñ batā.eñ kyā

'ishq kā zā.icha nahīñ hotā

maut ka falsafa nahin hota

kaun hai jo fana nahin hota

lab se tum ne jo kuchh kaha hota

darmiyan fasla nahin hota

'ishq hota akela duniya mein

husn se jo mila nahin hota

tum bhi izhaar kar ke dekho to

'ishq mein qaeda nahin hota

jo rag-e-jaan mein bas gaya hai wo

dil se aksar juda nahin hota

'shad' mumkin nahin bataen kya

'ishq ka zaicha nahin hota