maza lams ka be-zabani mein tha

maza lams kā be-zabānī meñ thā

ajab zā.iqa ḳhush-gumānī meñ thā

mirī vus.atoñ ko kahāñ jāntā

vo mahv apnī hī be-karānī meñ thā

miTāte rahe avvalīñ yaad ko

ki jo naqsh thā naqsh-e-sānī meñ thā

bahut der tak log sāhil pe the

safīna mirā jab ravānī meñ thā

hamīñ se na ādāb barte ga.e

salīqa bahut mezbānī meñ thā

mai-e-kohna meñ thā nasha-dar-nasha

magar jo maza taaza paanī meñ thā

hameñ vo hamīñ se judā kar gayā

baḌā zulm is mehrbānī meñ thā

safar meñ achānak sabhī ruk ga.e

ajab moḌ apnī kahānī meñ thā

maza lams ka be-zabani mein tha

ajab zaiqa KHush-gumani mein tha

meri wusaton ko kahan jaanta

wo mahw apni hi be-karani mein tha

miTate rahe awwalin yaad ko

ki jo naqsh tha naqsh-e-sani mein tha

bahut der tak log sahil pe the

safina mera jab rawani mein tha

hamin se na aadab barte gae

saliqa bahut mezbani mein tha

mai-e-kohna mein tha nasha-dar-nasha

magar jo maza taza pani mein tha

hamein wo hamin se juda kar gaya

baDa zulm is mehrbani mein tha

safar mein achanak sabhi ruk gae

ajab moD apni kahani mein tha