aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

maze ishq ke kuchh wahi jaante hain

Dagh Dehlvi

maze ishq ke kuchh wahi jaante hain

Dagh Dehlvi

MORE BYDagh Dehlvi

    maze ishq ke kuchh vahī jānte haiñ

    ki jo maut ko zindagī jānte haiñ

    shab-e-vasl liiñ un itnī balā.eñ

    ki hamdam mire haath jānte haiñ

    na ho dil to kyā lutf-e-āzār-o-rāhat

    barābar ḳhushī nā-ḳhushī jānte haiñ

    jo hai mere dil meñ unhīñ ko ḳhabar hai

    jo maiñ jāntā huuñ vahī jānte haiñ

    paḌā huuñ sar-e-bazm maiñ dam churā.e

    magar vo ise be-ḳhudī jānte haiñ

    kahāñ qadr-e-ham-jins ham-jins ko hai

    farishtoñ ko bhī aadmī jānte haiñ

    kahūñ hāl-e-dil to kaheñ us se hāsil

    sabhī ko ḳhabar hai sabhī jānte haiñ

    vo nādān anjān bhole haiñ aise

    ki sab sheva-e-dushmanī jānte haiñ

    nahīñ jānte is anjām kyā hai

    vo marnā merā dil-lagī jānte haiñ

    samajhtā hai 'dāġh' ko rind zāhid

    magar rind us ko valī jānte haiñ

    maze ishq ke kuchh wahi jaante hain

    ki jo maut ko zindagi jaante hain

    shab-e-wasl lin un ki itni balaen

    ki hamdam mere hath hi jaante hain

    na ho dil to kya lutf-e-azar-o-rahat

    barabar KHushi na-KHushi jaante hain

    jo hai mere dil mein unhin ko KHabar hai

    jo main jaanta hun wahi jaante hain

    paDa hun sar-e-bazm main dam churae

    magar wo ise be-KHudi jaante hain

    kahan qadr-e-ham-jins ham-jins ko hai

    farishton ko bhi aadmi jaante hain

    kahun haal-e-dil to kahen us se hasil

    sabhi ko KHabar hai sabhi jaante hain

    wo nadan anjaan bhole hain aise

    ki sab shewa-e-dushmani jaante hain

    nahin jaante is ka anjam kya hai

    wo marna mera dil-lagi jaante hain

    samajhta hai tu 'dagh' ko rind zahid

    magar rind us ko wali jaante hain

    RECITATIONS

    Fasih Akmal

    Fasih Akmal,

    Fasih Akmal

    maze ishq ke kuchh wahi jaante hain Fasih Akmal

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now