nae kapDe badal kar jaun kahan aur baal banaun kis ke liye
na.e kapḌe badal kar jā.ūñ kahāñ aur baal banā.ūñ kis ke liye
vo shaḳhs to shahr hī chhoḌ gayā maiñ bāhar jā.ūñ kis ke liye
jis dhuup kī dil meñ ThanDak thī vo dhuup usī ke saath ga.ī
in jaltī baltī galiyoñ meñ ab ḳhaak uḌā.ūñ kis ke liye
vo shahr meñ thā to us ke liye auroñ se bhī milnā paḌtā thā
ab aise-vaise logoñ ke maiñ naaz uThā.ūñ kis ke liye
ab shahr meñ us kā badal hī nahīñ koī vaisā jān-e-ġhazal hī nahīñ
aivān-e-ġhazal meñ lafzoñ ke gul-dān sajā.ūñ kis ke liye
muddat se koī aayā na gayā sunsān paḌī hai ghar kī fazā
in ḳhālī kamroñ meñ 'nāsir' ab sham.a jalā.ūñ kis ke liye
nae kapDe badal kar jaun kahan aur baal banaun kis ke liye
wo shaKHs to shahr hi chhoD gaya main bahar jaun kis ke liye
jis dhup ki dil mein ThanDak thi wo dhup usi ke sath gai
in jalti balti galiyon mein ab KHak uDaun kis ke liye
wo shahr mein tha to us ke liye auron se bhi milna paDta tha
ab aise-waise logon ke main naz uThaun kis ke liye
ab shahr mein us ka badal hi nahin koi waisa jaan-e-ghazal hi nahin
aiwan-e-ghazal mein lafzon ke gul-dan sajaun kis ke liye
muddat se koi aaya na gaya sunsan paDi hai ghar ki faza
in KHali kamron mein 'nasir' ab shama jalaun kis ke liye
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
