mehnat koshish aur wafa ke KHugar zinda rahte hain

mehnat koshish aur vafā ke ḳhūgar zinda rahte haiñ

jin ko marnā aa jaatā hai aksar zinda rahte haiñ

fitrat kī vus.at hai kitnī kaun kahāñ tak dekhegā

āñkheñ mar jaatī haiñ lekin manzar zinda rahte haiñ

patthar mārne vaale ik din ḳhud patthar ho jaate haiñ

rāh-e-vafā meñ jo sahte haiñ patthar zinda rahte haiñ

haq kī ḳhātir pesh kareñ jo apnī jaan kā nazrāna

zinda rahne vāloñ se bhī baḌh kar zinda rahte haiñ

ik din paidā karte haiñ bhauñchāl kī sūrat jismoñ meñ

laave jazboñ ke siine ke andar zinda rahte haiñ

jin ke dam se dhartī raushan rashk-e-falak dikhlā.ī de

aise insāñ aise māh-o-aḳhtar zinda rahte haiñ

zulm ke sail-e-ḳhūñ meñ ik din zālim bhī bah jaatā hai

lashkar mar jaatā hai aur behtar zinda rahte haiñ

aise logoñ kā mar jaanā jiine se bhī behtar hai

vo jo log 'munavār' sab se Dar kar zinda rahte haiñ

mehnat koshish aur wafa ke KHugar zinda rahte hain

jin ko marna aa jata hai aksar zinda rahte hain

fitrat ki wusat hai kitni kaun kahan tak dekhega

aankhen mar jati hain lekin manzar zinda rahte hain

patthar marne wale ek din KHud patthar ho jate hain

rah-e-wafa mein jo sahte hain patthar zinda rahte hain

haq ki KHatir pesh karen jo apni jaan ka nazrana

zinda rahne walon se bhi baDh kar zinda rahte hain

ek din paida karte hain bhaunchaal ki surat jismon mein

lawe jazbon ke sine ke andar zinda rahte hain

jin ke dam se dharti raushan rashk-e-falak dikhlai de

aise insan aise mah-o-aKHtar zinda rahte hain

zulm ke sail-e-KHun mein ek din zalim bhi bah jata hai

lashkar mar jata hai aur behtar zinda rahte hain

aise logon ka mar jaana jine se bhi behtar hai

wo jo log 'munawar' sab se Dar kar zinda rahte hain