mehr-e-KHuban KHana-afroz-e-dil-e-afsurda hai

mehr-e-ḳhūbāñ ḳhāna-afroz-e-dil-e-afsurda hai

sho'la āb-e-zindagānī-e-charāġh-e-murda hai

murġh-e-dil terī nigah kā ho chukā ab to shikār

jā kahāñ saktā hai yaañ se said-e-nāvak-ḳhurda hai

hai bahār-e-rañg-o-bū-e-tāza rū-e-ḳhasm-e-jāñ

sālim āfāt-e-havādis se gul-e-pazhmurda hai

jān-o-īmāñ dīn-o-dil jo thā bisāt apnā diyā

aur kyā chāhe hai tū mujh se jo ab āzurda hai

ai shah-e-iqlīm-e-ḳhūbī tā-sar-e-darvāza aa

nazr ko 'bedār' terī jāñ-ba-kaf-āvarda hai

mehr-e-KHuban KHana-afroz-e-dil-e-afsurda hai

sho'la aab-e-zindagani-e-charagh-e-murda hai

murgh-e-dil teri nigah ka ho chuka ab to shikar

ja kahan sakta hai yan se said-e-nawak-KHurda hai

hai bahaar-e-rang-o-bu-e-taza ru-e-KHasm-e-jaan

salim aafat-e-hawadis se gul-e-pazhmurda hai

jaan-o-iman din-o-dil jo tha bisat apna diya

aur kya chahe hai tu mujh se jo ab aazurda hai

ai shah-e-iqlim-e-KHubi ta-sar-e-darwaza aa

nazr ko 'bedar' teri jaan-ba-kaf-awarda hai