mera junun sharmsar dekhiye kab tak rahe

merā junūñ sharmsār dekhiye kab tak rahe

fasl-e-ḳhizāñ par bahār dekhiye kab tak rahe

dekhiye kab tak bahe dīda-o-dil se lahū

sehn-e-chaman lāla-zār dekhiye kab tak rahe

dekhiye kab tak rahe kaj-kulah-e-shahryār

ye ravish-e-tājdār dekhiye kab tak rahe

aaj bhī hai kohkan banda-e-be-dām-e-zar

ishq ġharīb-ud-dayār dekhiye kab tak rahe

aur farozāñ huā sho.ala-e-qindīl-e-shab

gul kā magar e'tibār dekhiye kab tak rahe

dast-e-sabā kaT na jaa.e lauh-o-qalam chhin na jaa.eñ

azmat-e-fan bā-vaqār dekhiye kab tak rahe

ḳhāmushī-o-maslahat be-dilī-o-be-hisī

ahl-e-suḳhan kā shi.ār dekhiye kab tak rahe

mera junun sharmsar dekhiye kab tak rahe

fasl-e-KHizan par bahaar dekhiye kab tak rahe

dekhiye kab tak bahe dida-o-dil se lahu

sehn-e-chaman lala-zar dekhiye kab tak rahe

dekhiye kab tak rahe kaj-kulah-e-shahryar

ye rawish-e-tajdar dekhiye kab tak rahe

aaj bhi hai kohkan banda-e-be-dam-e-zar

ishq gharib-ud-dayar dekhiye kab tak rahe

aur farozan hua shoala-e-qindil-e-shab

gul ka magar e'tibar dekhiye kab tak rahe

dast-e-saba kaT na jae lauh-o-qalam chhin na jaen

azmat-e-fan ba-waqar dekhiye kab tak rahe

KHamushi-o-maslahat be-dili-o-be-hisi

ahl-e-suKHan ka shiar dekhiye kab tak rahe