mere andar ek dastak si kahin hoti rahi

mere andar ek dastak sī kahīñ hotī rahī

zindagī oḌhe hue maiñ be-ḳhabar sotī rahī

koī mausam merī ummīdoñ ko raas aayā nahīñ

fasl añdhiyāroñ kī kaaTī aur diye botī rahī

kahne vaalā ḳhud to sar takiye pe rakh kar so gayā

merī be-chārī kahānī raat bhar rotī rahī

rāste meñ is qadar yādoñ ke dorāhe paḌe

aaj maazī kī saḌak har moḌ par khotī rahī

mere andar ek dastak si kahin hoti rahi

zindagi oDhe hue main be-KHabar soti rahi

koi mausam meri ummidon ko ras aaya nahin

fasl andhiyaron ki kaTi aur diye boti rahi

kahne wala KHud to sar takiye pe rakh kar so gaya

meri be-chaari kahani raat bhar roti rahi

raste mein is qadar yaadon ke dorahe paDe

aaj mazi ki saDak har moD par khoti rahi