mere ashaar ko mear pe tola jae

mere ash.ār ko me.aar pe tolā jaa.e

fan ko rakh kar kisī fankār pe tolā jaa.e

baat hai tāb-e-nazar kī to haTā kar parda

shauq-e-dīdār ko dīdār pe tolā jaa.e

raas aatī hai unheñ dhuup jo sahrā.ī haiñ

kyoñ unheñ sāya-e-dīvār pe tolā jaa.e

nafrateñ ham ko sahī taul nahīñ saktī haiñ

taulnā hai to hameñ pyaar se tolā jaa.e

dekhiye husn kā me.aar na girne paa.e

is ko mīzān-e-ḳharīdār pe tolā jaa.e

mere ashaar ko mear pe tola jae

fan ko rakh kar kisi fankar pe tola jae

baat hai tab-e-nazar ki to haTa kar parda

shauq-e-didar ko didar pe tola jae

ras aati hai unhen dhup jo sahrai hain

kyon unhen saya-e-diwar pe tola jae

nafraten hum ko sahi taul nahin sakti hain

taulna hai to hamein pyar se tola jae

dekhiye husn ka mear na girne pae

is ko mizan-e-KHaridar pe tola jae