mere badan mein thi teri KHushbu-e-pairahan

mere badan meñ thī tirī ḳhushbū-e-pairahan

shab bhar mire vajūd meñ mahkā tirā badan

huuñ apne hī hujūm-e-tamannā meñ ajnabī

maiñ apne hī dayār-e-nafas meñ jilā-vatan

sab pattharoñ pe naam likhe the rafīqoñ ke

har zaḳhm-e-sar hai sañg-e-malāmat pe ḳhanda-zan

ab dasht-e-be-amāñ hī meñ shāyad mile panāh

ghar kī khulī fazā meñ to baḌhne lagī ghuTan

har aadmī hai paikar-e-fariyād in dinoñ

har shaḳhs ke badan pe hai kāġhaz kā pairahan

ḳhush-fahm haiñ ki sirf rivāyat parast haiñ

ḳhush-fikr the ki le uḌe tārīḳh kā kafan

is daur meñ yahāñ bhī filistīn kī tarah

kuchh log be-zamīñ hue kuchh log be-vatan

misl-e-sabā koī idhar aayā udhar gayā

ghar meñ basī huī hai magar bū-e-pairahan

'sarshār' maiñ ne ishq ke ma.anī badal diye

is āshiqī meñ pahle na thā vasl kā chalan

mere badan mein thi teri KHushbu-e-pairahan

shab bhar mere wajud mein mahka tera badan

hun apne hi hujum-e-tamanna mein ajnabi

main apne hi dayar-e-nafas mein jila-watan

sab pattharon pe nam likhe the rafiqon ke

har zaKHm-e-sar hai sang-e-malamat pe KHanda-zan

ab dasht-e-be-aman hi mein shayad mile panah

ghar ki khuli faza mein to baDhne lagi ghuTan

har aadmi hai paikar-e-fariyaad in dinon

har shaKHs ke badan pe hai kaghaz ka pairahan

KHush-fahm hain ki sirf riwayat parast hain

KHush-fikr the ki le uDe tariKH ka kafan

is daur mein yahan bhi filistin ki tarah

kuchh log be-zamin hue kuchh log be-watan

misl-e-saba koi idhar aaya udhar gaya

ghar mein basi hui hai magar bu-e-pairahan

'sarshaar' main ne ishq ke mani badal diye

is aashiqi mein pahle na tha wasl ka chalan