mere ghar se uski yaadon ke makin jate nahin

mere ghar se us kī yādoñ ke makīñ jaate nahīñ

chhoḌ kar jaise shajar apnī zamīñ jaate nahīñ

tere dar se hī milegā jo bhī miltā hai hameñ

ham tire dar ke alāva ab kahīñ jaate nahīñ

tujh ko dekhe ik zamāna ho gayā par kyā kahīñ

aaj bhī dil se tire naqsh-e-hasīñ jaate nahīñ

ġham diye haiñ zindagī ne ġham se māyūsī nahīñ

chhoḌ kar ab zindagī ko ham kahīñ jaate nahīñ

uḌte phirte haiñ ḳhalāoñ meñ sahāboñ kī tarah

ye vo naale haiñ ki jo zer-e-zamīñ jaate nahīñ

mere ghar se us ki yaadon ke makin jate nahin

chhoD kar jaise shajar apni zamin jate nahin

tere dar se hi milega jo bhi milta hai hamein

hum tere dar ke alawa ab kahin jate nahin

tujh ko dekhe ek zamana ho gaya par kya kahin

aaj bhi dil se tere naqsh-e-hasin jate nahin

gham diye hain zindagi ne gham se mayusi nahin

chhoD kar ab zindagi ko hum kahin jate nahin

uDte phirte hain KHalaon mein sahabon ki tarah

ye wo nale hain ki jo zer-e-zamin jate nahin