mere KHat ka jawab aaya tha

mere ḳhat kā javāb aayā thā

ḳhat na likkhā karo ye likkhā thā

maiñ zabāñ se to kah nahīñ saktā

jo nazāra nazar ne dekhā thā

vaqt-e-mushkil vo saath chhoḌ gayā

jis pe mujh ko baḌā bharosā thā

apne begāne hote jaate the

bas isī baat kā achambhā thā

qatl kartā thā be-gunāhoñ kā

sab kī nazroñ meñ jo farishta thā

jis meñ 'rānā' hamārī umr kaTī

vo zamāna bhī kyā zamāna thā

mere KHat ka jawab aaya tha

KHat na likkha karo ye likkha tha

main zaban se to kah nahin sakta

jo nazara nazar ne dekha tha

waqt-e-mushkil wo sath chhoD gaya

jis pe mujh ko baDa bharosa tha

apne begane hote jate the

bas isi baat ka achambha tha

qatl karta tha be-gunahon ka

sab ki nazron mein jo farishta tha

jis mein 'rana' hamari umr kaTi

wo zamana bhi kya zamana tha