mere KHurshid o qamar aae nahin

mere ḳhurshīd o qamar aa.e nahīñ

zulmatoñ ke chāra-gar aa.e nahīñ

fasl-e-gul kī ḳhāsiyat ko kyā huā

shāḳh-e-dil par barg-o-bar aa.e nahīñ

ḳhasta-sāmānī hamārī dekhne

log aate the magar aa.e nahīñ

maiñ faqat bāġhoñ kā rakhvālā rahā

mere hisse meñ samar aa.e nahīñ

gadle chohaḌ chīthaḌoñ sī bastiyāñ

ahl-e-dil kyā is nagar aa.e nahīñ

mere KHurshid o qamar aae nahin

zulmaton ke chaara-gar aae nahin

fasl-e-gul ki KHasiyat ko kya hua

shaKH-e-dil par barg-o-bar aae nahin

KHasta-samani hamari dekhne

log aate the magar aae nahin

main faqat baghon ka rakhwala raha

mere hisse mein samar aae nahin

gadle chohaD chithaDon si bastiyan

ahl-e-dil kya is nagar aae nahin