mere nazuk sawal mein utro

mere nāzuk savāl meñ utro

ek harf-e-jamāl meñ utro

naqsh-bandī mujhe bhī aatī hai

koī sūrat ḳhayāl meñ utro

pheñk do duur aaj sūraj ko

ḳhud hī ab māh-o-sāl meñ utro

ḳhuub chamkogī aao shamshīro

mere zaḳhmoñ ke jaal meñ utro

kuchh to lutf-e-tazād aa.egā

mere ġhār-e-zavāl meñ utro

ḳhvāh patjhaḌ kī hī havā ban kar

peḌ kī Daal Daal meñ utro

muzmahil raat aur tanhā.ī

kaash ḳhvāb-e-visāl meñ utro

ai 'zafar' pesh hai mahā-bhārat

ādmiyat kī Dhaal meñ utro

mere nazuk sawal mein utro

ek harf-e-jamal mein utro

naqsh-bandi mujhe bhi aati hai

koi surat KHayal mein utro

phenk do dur aaj suraj ko

KHud hi ab mah-o-sal mein utro

KHub chamkogi aao shamshiro

mere zaKHmon ke jal mein utro

kuchh to lutf-e-tazad aaega

mere ghaar-e-zawal mein utro

KHwah patjhaD ki hi hawa ban kar

peD ki Dal Dal mein utro

muzmahil raat aur tanhai

kash KHwab-e-visal mein utro

ai 'zafar' pesh hai maha-bhaarat

aadmiyat ki Dhaal mein utro