mere suKHan mein tabhi falsafa ziyaada hai
mere suḳhan meñ tabhī falsafa ziyāda hai
ki maiñ ne likkhā bahut kam paḌhā ziyāda hai
us ek rañg kī thī justujū zamāne ko
vo ek rañg jo mujh pe khulā ziyāda hai
tum hī batāo abhī kaise chhoḌ duuñ us ko
abhī vo mujh meñ zarā mubtalā ziyāda hai
ye ek pal kī vafā muddatoñ kā ronā hai
zarā se jurm kī itnī sazā ziyāda hai
maiñ apne aap meñ huuñ hī nahīñ so ab mujh meñ
kuchh ek din se koī dūsrā ziyāda hai
mere suKHan mein tabhi falsafa ziyaada hai
ki main ne likkha bahut kam paDha ziyaada hai
us ek rang ki thi justuju zamane ko
wo ek rang jo mujh pe khula ziyaada hai
tum hi batao abhi kaise chhoD dun us ko
abhi wo mujh mein zara mubtala ziyaada hai
ye ek pal ki wafa muddaton ka rona hai
zara se jurm ki itni saza ziyaada hai
main apne aap mein hun hi nahin so ab mujh mein
kuchh ek din se koi dusra ziyaada hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
