mere taDapne ne tamasha kiya

mere taḌapne ne tamāshā kiyā

vo nigah-e-shauq se dekhā kiyā

ashk ne kiiñ ishq kī ġhammāziyāñ

rāz-e-darūñ aañkh ne ifshā kiyā

balbe ḳhalish ḳhanjar-e-bedād kī

siina ko labrez-e-tamannā kiyā

jo na huā aap se behtar huā

jo na kiyā aap ne achchhā kiyā

va.ada-e-jāñ-bāzī-e-ulfat 'nasīm'

tū ne ye dīvāne sitam kyā kiyā

mere taDapne ne tamasha kiya

wo nigah-e-shauq se dekha kiya

ashk ne kin ishq ki ghammaziyan

raaz-e-darun aankh ne ifsha kiya

balbe KHalish KHanjar-e-bedad ki

sina ko labrez-e-tamanna kiya

jo na hua aap se behtar hua

jo na kiya aap ne achchha kiya

wada-e-jaan-bazi-e-ulfat 'nasim'

tu ne ye diwane sitam kya kiya