meri dua ki ghair pe unki nazar na ho

merī duā ki ġhair pe un kī nazar na ho

vo haath uThā rahe haiñ ki yārab asar na ho

ham ko bhī zid yahī hai ki terī sahar na ho

ai shab tujhe ḳhudā kī qasam muḳhtasar na ho

tum ik taraf tumhārī ḳhudā.ī hai ik taraf

hairat-zada hai dil ki kidhar ho kidhar na ho

dushvār-tar bhī sahl hai himmat ke sāmne

ye ho to koī aisī muhim hai ki sar na ho

jab vo na aa.e fātiha paḌhne to ai sabā

baaz aa gayā maiñ sham.a bhī ab nauhagar na ho

ye kah ke detī jaatī hai taskīñ shab-e-firāq

vo kaun sī hai raat ki jis kī sahar na ho

'bismil' butoñ kā ishq mubārak tumheñ magar

itne niDar na ho ki ḳhudā kā bhī Dar na ho

meri dua ki ghair pe un ki nazar na ho

wo hath uTha rahe hain ki yarab asar na ho

hum ko bhi zid yahi hai ki teri sahar na ho

ai shab tujhe KHuda ki qasam muKHtasar na ho

tum ek taraf tumhaari KHudai hai ek taraf

hairat-zada hai dil ki kidhar ho kidhar na ho

dushwar-tar bhi sahl hai himmat ke samne

ye ho to koi aisi muhim hai ki sar na ho

jab wo na aae fatiha paDhne to ai saba

baz aa gaya main shama bhi ab nauhagar na ho

ye kah ke deti jati hai taskin shab-e-firaq

wo kaun si hai raat ki jis ki sahar na ho

'bismil' buton ka ishq mubarak tumhein magar

itne niDar na ho ki KHuda ka bhi Dar na ho