meri fariyaad ke shoalon ko inayat samjho

merī fariyād ke sho.aloñ ko ināyat samjho

mere har zaḳhm ko ulfat kī rivāyat samjho

ek majbūr-e-tamannā kī girāñ-bār thakan

maiñ ne kab tum se kahā ye ise ulfat samjho

lazzat-e-ġham meñ nahīñ ḳhūn-e-tamannā kā ilaaj

mirī har Tiis ko ḳhāmosh baġhāvat samjho

ye girāñ-bārī-e-ehsās mirī mash.al hai

merī fariyād ko tum ek hidāyat samjho

ek mujrim hai jise kahte haiñ insān kā dil

is nadāmat ko mirī ek shikāyat samjho

meri fariyaad ke shoalon ko inayat samjho

mere har zaKHm ko ulfat ki riwayat samjho

ek majbur-e-tamanna ki giran-bar thakan

main ne kab tum se kaha ye ise ulfat samjho

lazzat-e-gham mein nahin KHun-e-tamanna ka ilaj

meri har Tis ko KHamosh baghawat samjho

ye giran-bari-e-ehsas meri mashal hai

meri fariyaad ko tum ek hidayat samjho

ek mujrim hai jise kahte hain insan ka dil

is nadamat ko meri ek shikayat samjho