mila tha koi sar-e-rah ajnabi ki tarah

milā thā koī sar-e-rāh ajnabī kī tarah

aziiz lagtā hai jo mujh ko zindagī kī tarah

vo ek shaḳhs añdheroñ meñ jis ne chhoḌ diyā

vo ab bhī rahtā hai āñkhoñ meñ raushnī kī tarah

ye aarzū mirī barsoñ kī hai ki aap mileñ

farishta ban ke nahīñ ban ke aadmī kī tarah

sameT rakkhā thā jis kahkashāñ ko dāman meñ

vo ghar meñ utrī hai ik taaza raushnī kī tarah

ham is liye hī to palkeñ bichhā.e rahte haiñ

bahut aziiz ho tum ham ko shā.erī kī tarah

vo ek sach mirī āñkhoñ meñ hai 'kiran' ab bhī

jo ḳhvāb ban ke rahā dil meñ raushnī kī tarah

mila tha koi sar-e-rah ajnabi ki tarah

aziz lagta hai jo mujh ko zindagi ki tarah

wo ek shaKHs andheron mein jis ne chhoD diya

wo ab bhi rahta hai aankhon mein raushni ki tarah

ye aarzu meri barson ki hai ki aap milen

farishta ban ke nahin ban ke aadmi ki tarah

sameT rakkha tha jis kahkashan ko daman mein

wo ghar mein utri hai ek taza raushni ki tarah

hum is liye hi to palken bichhae rahte hain

bahut aziz ho tum hum ko shaeri ki tarah

wo ek sach meri aankhon mein hai 'kiran' ab bhi

jo KHwab ban ke raha dil mein raushni ki tarah