mila to manzil-e-jaan mein utarne na diya

milā to manzil-e-jāñ meñ utārne na diyā

vo kho gayā to kisī ne pukārne na diyā

ravāñ davāñ hai yūñhī kashti-e-zamāñ ab bhī

magar vo lamha jo dil ne guzārne na diyā

lagī thī jaan kī baazī bisāt ulaT Daalī

ye khel bhī hameñ yāroñ ne hārne na diyā

koī sadā mire sabr-o-sukūt se na uThī

koī maza tire qaul-o-qarār ne na diyā

vahī ilāj-e-shab-e-saḳhti-e-ḳhizāñ thā 'zafar'

jo ek phuul kisī nau-bahār ne na diyā

mila to manzil-e-jaan mein utarne na diya

wo kho gaya to kisi ne pukarne na diya

rawan dawan hai yunhi kashti-e-zaman ab bhi

magar wo lamha jo dil ne guzarne na diya

lagi thi jaan ki bazi bisat ulaT Dali

ye khel bhi hamein yaron ne haarne na diya

koi sada mere sabr-o-sukut se na uThi

koi maza tere qaul-o-qarar ne na diya

wahi ilaj-e-shab-e-saKHti-e-KHizan tha 'zafar'

jo ek phul kisi nau-bahaar ne na diya