milan ki saat ko is tarah se amar kiya hai

milan kī saa.at ko is tarah se amar kiyā hai

tumhārī yādoñ ke saath tanhā safar kiyā hai

sunā hai us rut ko dekh kar tum bhī ro paḌe the

sunā hai bārish ne pattharoñ par asar kiyā hai

salīb kā baar bhī uThāo tamām jīvan

ye lab-kushā.ī kā jurm tum ne agar kiyā hai

tumheñ ḳhabar thī haqīqateñ talḳh haiñ jabhī to!

tumhārī āñkhoñ ne ḳhvāb ko mo'atabar kiyā hai

ghuTan baḌhī hai to phir usī ko sadā.eñ dī haiñ

ki jis havā ne har ik shajar be-samar kiyā hai

hai tere andar basī huī ek aur duniyā

magar kabhī tū ne itnā lambā safar kiyā hai

mire hī dam se to raunaqeñ tere shahr meñ thiiñ

mire hī qadmoñ ne dasht ko rah-guzar kiyā hai

tujhe ḳhabar kyā mire laboñ kī ḳhamoshiyoñ ne!

tire fasāne ko kis qadar muḳhtasar kiyā hai

bahut sī āñkhoñ meñ tīrgī ghar banā chukī hai

bahut sī āñkhoñ ne intizār-e-sahar kiyā hai

milan ki saat ko is tarah se amar kiya hai

tumhaari yaadon ke sath tanha safar kiya hai

suna hai us rut ko dekh kar tum bhi ro paDe the

suna hai barish ne pattharon par asar kiya hai

salib ka bar bhi uThao tamam jiwan

ye lab-kushai ka jurm tum ne agar kiya hai

tumhein KHabar thi haqiqaten talKH hain jabhi to!

tumhaari aankhon ne KHwab ko mo'atabar kiya hai

ghuTan baDhi hai to phir usi ko sadaen di hain

ki jis hawa ne har ek shajar be-samar kiya hai

hai tere andar basi hui ek aur duniya

magar kabhi tu ne itna lamba safar kiya hai

mere hi dam se to raunaqen tere shahr mein thin

mere hi qadmon ne dasht ko rah-guzar kiya hai

tujhe KHabar kya mere labon ki KHamoshiyon ne!

tere fasane ko kis qadar muKHtasar kiya hai

bahut si aankhon mein tirgi ghar bana chuki hai

bahut si aankhon ne intizar-e-sahar kiya hai