mile hain naqsh-e-pa un ke jahan tak

mile haiñ naqsh-e-pā un ke jahāñ tak

ujālā hī ujālā hai vahāñ tak

dhuñdalke hī dhuñdalke duur tak haiñ

vo aalam hai zamīñ se āsmāñ tak

baḌheñge haath jab bhī zulmatoñ ke

na uTThegā charāġhoñ se dhuāñ tak

haqīqat jāntī hai jis ko duniyā

ḳhayāl-o-ḳhvāb hai duniyā vahāñ tak

añdherā hī añdherā hai har ik sū

umīdeñ saath haiñ lekin kahāñ tak

milegī kyā kisī rahrav ko manzil

bhaTaktā hai amīr-e-kārvāñ tak

ye kin rāhoñ se guzre 'sāhira' ham

nahīñ thā sāya-e-abr-e-ravāñ tak

mile hain naqsh-e-pa un ke jahan tak

ujala hi ujala hai wahan tak

dhundalke hi dhundalke dur tak hain

wo aalam hai zamin se aasman tak

baDhenge hath jab bhi zulmaton ke

na uTThega charaghon se dhuan tak

haqiqat jaanti hai jis ko duniya

KHayal-o-KHwab hai duniya wahan tak

andhera hi andhera hai har ek su

umiden sath hain lekin kahan tak

milegi kya kisi rahraw ko manzil

bhaTakta hai amir-e-karwan tak

ye kin rahon se guzre 'sahira' hum

nahin tha saya-e-abr-e-rawan tak